【滿滿的大平台】好朋友生日梗係要貼勻佢架車畀全世界知啦!

真正嘅好朋友,就係會喺你跌倒嘅時候⋯⋯狠狠地笑9你先再扶起你!做死黨嘅有今生冇來世,每逢啲特別日子,尤其係其中一個人嘅生日,大家都會一齊夾計,務求令壽星過一個難忘嘅生日嘅~好似台灣呢位網友咁,見到一班老友為咗佢生日做咗咁多嘢,一定會喊出嚟啫!

圖片來源:Yu Jen Wang

嘩~係滿滿嘅祝福呀~壽星嘅老友為咗畀個實派佢,竟然用Memo紙黐滿佢架車,仲要大大隻字寫住生日𠻹!真係「讓全世界也知道壽星幾低調」呀!壽星見到一定開心到喊出嚟啦!

圖片來源:Yu Jen Wang

睇埋車窗上面嘅字就知道一班朋友幾有愛啦~幫周先生慶祝生日之餘都不忘愛心提醒佢唔好違例泊車呀!呢啲咪係益友囉~仲要怕你要過Lonely Birthday ,不忘大大隻字幫你徵女友呀!周生,大個仔喇,要生生性性,下次泊車小心啲喇下~

圖片來源:Yu Jen Wang

圖片來源:Yu Jen Wang

就算水都沖唔走呢份祝福呀~但係就沖走咗徵女友三隻大字,唔通呢個係上天嘅啟示?古乳有暈,人生於世上有幾個知己,一班朋友願意花咁多時間同金錢嚟同你慶祝生日,呢啲朋友去邊度搵呀?周生,我真係恭喜你呀!相信一眾網民都會真心咁祝福你年年有今日,歲歲有今朝㗎啫!

封面圖片及資料來源:Yu Jen Wang

 回帶:【係真愛呀】男朋友生日 等我喺佢架車度寫啲感言先!

毛記電視網站 · 版權所有 · 不得轉載 Copyright © TVMOST.COM.HK All rights reserved