【論髮型的重要】NHK用乙女遊戲宣傳收視費 焦點竟然係佢?

所謂乙女Game,就係女性向愛情遊戲,通常仲會膽拖埋逆後宮,女主角遇到n個靚仔男主角,然後就要諗下點同佢哋發展咁囉~咪睇少呢啲遊戲,有好多妹豬為咗佢哋入咗課金嘅無底深坑㗎,甚至威力強大到連大台都要靠佢哋幫手呀!

講緊嘅係日本大台NHK電視台呀,是咁的,話說喺日本,只要你有電視或者任何受到NHK訊號可以睇到佢哋節目嘅裝置,就會有人撳你個Lin Lin(講緊門鐘呀),上門搵你簽約收返個收視費㗎喇~但係似乎好多居民都唔多滿意呢個安排啵,咁就唯有出動美男計啦!

圖片來源:NHKキュン活ほっとらいん

為咗宣傳「收視費就是正義」呢個大道理,NHK最近出咗個乙女Game,搵咗四大美男講啲肉麻到震嘅對白嚟冧一班師奶同妹豬,務求要令佢哋乖乖交出一顆心⋯⋯同埋收視費呀!遊戲一出,大家嘅焦點都去晒一個人身上!

圖片來源:キュン活ほっとらいん

你咪就係西⋯⋯門吹雪?呢位員工肯肯定係冇食啲乜乜烏絲素啦!嗰幾條唏噓嘅髮絲真係搶晒Fo呀,啲觀眾都畀你溝晒啦~原來佢係年資廿五年嘅營業部員工阿涼呀,真係人如其名,見到個髮型都覺得有啲涼⋯⋯

圖片來源:キュン活ほっとらいん

仲要講埋啲「當然係你同收視費一樣咁重要啦!」 嘅對白,一感動唔止會流眼淚,連條頭毛都飛起埋,呢啲角色設定係咩玩法呢下⋯⋯

圖片來源:NHKキュン活ほっとらいん

一個咁有喜感嘅角色,配落咁唯美嘅畫面⋯⋯做咩啫你!

圖片來源:NHKキュン活ほっとらいん

圖片來源:NHKキュン活ほっとらいん

圖片來源:NHKキュン活ほっとらいん

當然,唔慣咁重口味嘅都仲有其他選擇嘅,眼鏡男、肌肉男同穿越古裝男都係唔錯嘅選擇嚟㗎~Between,NHK淨係向啲妹豬埋手,公平咩?你再唔嗱嗱臨出返啲美人主播呀女子社員之類嘅Game畀男觀眾,信唔信一班宅男集體罷繳收視費吖嗱!

封面圖片及資料來源:NHKキュン活ほっとらいんsuno_31/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved