現代人食嘢已經唔係單單食得飽就夠㗎喇，你估石器時代咩，而家除咗講色香味，仲要講呃like！Caption講到幾香幾好味，睇相嘅人都感受唔到㗎啦，所以視覺衝激先係最重要，以下落嚟介紹呢個大師翁逸庭嘅作品，肯肯定夠晒呃like呀！

喂，又話食嘢嘅？畀盧根幅相我睇做乜呀，又轉咗去睇戲嗱？

睇真啲先啦，其實呢個盧根係用朱古力醬畫出嚟㗎！用普通顏料畫畫已經唔容易啦，而家淨係用朱古力醬表現人物嘅線條，仲要掌握埋深淺色，真係一啲都唔簡單呀！

佢唔止六嚿腹肌畫得似，連個神情都畫到出嚟，真係好強呀，唔怪得人哋成日話高手在民間啦！

除咗盧根，翁逸庭仲畫過其他明星㗎，共通點就係用調味料畫㗎喇，好似GD、王力宏、柯震東咁呀，嗚呀，毛毛真係好想食佢哋呀！I mean呢幾碟果醬畫呀！

睇咗咁多大作，係咪都心郁郁想試下喺碟上面用唔同調味料畫公仔呢！嗱，淨係畫公仔好喇，唔好好似呢個食客咁亂寫嘢，當正自己有錢食餐飯就大晒呀！

封面圖片、資料來源連結：Septagram果醬畫世界
《食得又睇得系列》

咩話！呢個周董係用豉油畫嘅？！

【機已屈】客人話要「林依晨」醬，我咪用朱古力醬整個林依晨畀佢囉！

用朱古力醬滴出仿真度99%林俊傑