最近日本舉行緊世界棒球經典賽，世界各地嘅棒球高手都去切磋切磋呀。噚日嗰場就係古巴對荷蘭喇，荷蘭大比數拋離對手，贏14比1?～講咁耐先發現，其實大家可能都好少睇棒球賽，淨係知有人拋波有人打波有人接波，跟住又成班人搏老命咁跑嚟跑去……不過，就算你平時對體育幾冇興趣都好啦，呢場賽事都一定唔可以錯過呀！

好嘢！荷蘭選手全壘打呀！好球！跟住佢就開始起勢咁跑跑跑喇！加油呀！吖佢咁大力揮碌球棍，唔知個棒球會畀佢打咗去邊呢？會唔會好似日本卡通咁，飛咗上天變做一粒星㗎？

點五步吖！原來個波一嘢飛咗落觀眾席都不特止，仲要準到打中哥哥仔JJ呀！睇佢痛到又成個人縮埋一嚿又彈下彈下，就知呢個波衝力幾強啦……嗚呀，真係隔住個mon都覺得荷蘭痛呀喂！

睇棒球賽本身係男人最愛，點知無啦啦遇到男人最痛，只係一場波嘅時間，就經歷晒人生高潮同低潮，相信呢啲歷練，一定會幫助到你成為一個真男人㗎，嗯嗯！唔知呢個以卵接球嘅觀眾，聽到球場傳嚟一聲「好球」嘅時候，會唔會嬲到標眼水呢……

ホームランボールが観客のキンタマ直撃wwwwwwwwwwwwwwwwww pic.twitter.com/D7BqKljKQw

— プロ野球おもしろ超速報 (@baseballchosoku) March 15, 2017

封面圖片、資料來源連結：baseballchosoku／twitter