扭蛋呢家嘢，都唔知係咪落咗罌粟㗎，明明上上次想扭Thomas火車頭㗎嘛，佢就淨係出火車軌喎，話咗死都唔會再使錢扭蛋，但第二次見到公主系列，又會想扭返隻貝兒，點知佢就出個名好難聽好難聽嘅白雪囉……好喇！再扭我真係斬手指㗎喇！

話口未完，街頭就有部扭蛋機挑戰你嘅忍耐力喇！睇下先，上面雞乸咁大隻字寫住「心痛」，隔籬仲有細細行句子寫住「拜託不要轉，真的很心痛，如果你／妳想嘗試，後果自負」?，扮咩吖，睇死你入面咪又唔係唔同sad樣嘅公仔！

做咩呀而家激將法呀？欲拒還迎呀？好啦畀你兇到喇，一於就破例扭多次，睇下你有咩咁巴閉！

咦，扭蛋入面得張紙仔嘅？估下先……台灣咁興文青風，唔通係失戀詩句嚟嘅？雖然冇figure咁好玩，不過都幾有文藝氣息吖，有意思有意思！

睇下張紙仔寫乜先～～

……毛毛真係完住畀唔到反應……點解命運要咁殘酷，到底用咗成嚿水台幣扭蛋之後，得到啲乜嘢……係咪好想一拳打爆呢部扭蛋機呢？人哋一早好誠實咁叫咗你唔好扭，係你自己唔聽話咋，抵呀！

封面圖片、資料來源連結： Ke Yu Chen

《傷心的扭蛋系列》

【重複犯錯】畀個正常嘅扭蛋我係咪咁難呀？

【崩已潰】想要Thomas火車頭扭蛋 點知扭咗四次都係得路軌…