【都是哺乳類】成堆狐狸爭住食嘅原來係狗糧?

日本特別多啲動物做賣點嘅地方,唔止有咩貓島、兔仔島,就連狐狸村都有呀~藏王嘅狐狸村就出晒名多唔同品種嘅狐狸,雖然好精靈,但絕對唔係狐狸精!毛茸茸又成日笑瞇瞇咁望住你,真係好打耳呀~

因為越嚟越多媒體嘅報道,所以呢條狐狸村都多咗唔少遊客,話晒作為市區嘅小朋友,難得有機會近距離接觸真嘅狐狸,梗係要9衝去啦~圖片來源:fox_info_net/twitter

圖片來源:fox_info_net/twitter

最近官方Twitter Po咗幾張相,影住飼養員一拎住包嘢食,成堆狐狸就衝晒過去開餐,真係好幸福呀~講緊係個飼養員好幸福呀,可以畀咁多肥嘟嘟嘅毛毛球圍住,好治癒呀~

圖片來源:fox_info_net/twitter

個個都掛住睇狐狸仔嘅打耳樣,但係有個眼尖嘅網友就發現咗另一個亮點喎!Zoom近啲畀你,你睇到未呀?唔係有隻狐狸寧寧舍舍擰轉咗面呀,雖然都可能有啲關係嘅⋯⋯

圖片來源:fox_info_net/twitter

係包糧呀!雖然毛毛讀得書少,但係明明嗰包糧上面嗰隻係狗嚟㗎喎,仲大大隻字寫住犬字𠻹!話就話狗糧,不過佢哋食得開心,是狐是狗又有咩所謂呀~睇佢哋隻隻都肥到同狗狗一樣咁卡哇依就知一班狐狸仔都唔Mind啦~~

圖片來源:狗民網

強國拍劇都係咁樣搵狗狗嚟扮白狐咋嘛!大家都係哺乳類,又係雜食性動物,就不用分得那麼細啦~

圖片來源及資料來源:fox_info_net/twitter狗民網

毛記電視網站 · 版權所有 · 不得轉載 Copyright © TVMOST.COM.HK All rights reserved