阿Sam仲教我講呢一句～有酒應該今朝醉～

嗱嗱嗱，得閒飲返兩杯將麻煩事拋諸腦後是常識吧！最近，喺twitter就有日本網民同大家開心些牙咗一個超簡單嘅士多啤梨酒製法。事不宜遲，毛毛即刻同大家一齊向佢偷下師先！

1）首先，要準備已經洗乾淨兼去埋椗嘅士多啤梨。（重要提示：一定要印乾水！）

2）跟住，將啲士多啤梨放入玻璃罐，加滿威士忌，再落20克砂糖。

3）最後，打開雪櫃門拎返隻大笨象出嚟，再將個玻璃罐放入雪櫃雪五日，咁就ok㗎喇！

大家睇下，啲士多啤梨浸咗五日，已經由鮮紅色變成淺粉紅色，唔講毛毛仲以為係日本嗰隻淡雪士多啤梨嚟呀！另外，啲威士忌浸咗五日亦都一樣慢慢浸到有紅紅地色～嘩靚到……係咪想「損」下呢？

重點嚟嘞！喺飲嘅時候，大家只要將浸好咗嘅威士忌溝適量梳打水，再放多粒士多啤梨落去，咁一杯極品士多啤梨酒就大功告成㗎喇～只需要五日時間就可以搞掂，咁blue monday開始浸，浸到happy friday咪啱啱好有得飲囉！喂正呀喂！

洗って冷凍しておいたいちごを手のひらサイズの瓶に10粒程入れて、ウイスキーいっぱい、砂糖20gくらい。冷蔵庫で眠らすこと5日…。いちごの色が抜けてピンク色のウイスキーが出来た。これを炭酸で割ると淡い桜色に。思わず全員で悲鳴を上げてしまうくらい美味しかったから作ってみてよ！ pic.twitter.com/P3gExMXNwZ

— 魔女っこれい (@majyokkorei) 2017年3月17日

資料來源：majyokkorei／twitter