巧虎喺香港就唔算好hit，之但係佢喺台灣就極受小朋友愛戴嘞。有台灣老竇老母更加表示，巧虎講一句，好過佢哋講一百句?。唔係講笑，喺台灣小朋友嘅心目中，巧虎嘅地位簡直⋯⋯簡直就同神一樣呀！

「睇《唐伯虎點秋香》嗰陣，秋香姐姐係跪喺地下度再雙手合十咁樣樣拜神㗎，等我都學秋香姐姐咁拜巧虎先～」

嗱，既然台灣小朋友咁鍾意巧虎，咁生日想要個巧虎蛋糕都好正常啫係咪？最近，有台灣網民就幫自己個小朋友訂咗個巧虎蛋糕嚟慶祝生日，點知收到之後小朋友竟然唔認得巧虎，仲話巧虎係「好可怕的老鼠」？

嘩喊出嚟！呢隻乜L嘢嚟㗎？雖則毛毛都明白蛋糕店可能因為版權問題，唔可以整得太似巧虎，但你至少都整得似返隻老虎仔先吖！

btw，其實樂觀啲睇，呢個巧虎蛋糕已經算好好㗎喇，起碼個蛋糕都仲係黃色先啦係咪？早排有位網民訂咗個叮噹造型蛋糕，個叮噹流晒鼻血兼患埋白化症?呀⋯⋯

資料來源：邱吉爾、李蕙董、茹咩

回帶：【傻豬嚟嘅】阿女，你做咩當隻巧虎係神咁拜呀？

又回帶：【蛋糕崩壞系列】流晒鼻血嘅白化症叮噹唔係叮噹呀？