2017年03月20日 星期一
【大開眼界】日本取精室入面原來係咁樣樣㗎！
我幾十歲人，呢啲嘢唔關我事嘅！我初戀情人就係我老婆，冇理由有我份喎！其實任何年齡嘅男士，都有可能患上疾病，定期接受精液檢查，先至可以做個健健康康嘅真男人㗎，唔check唔知身體好吖嘛！
日本有個網民最近就話佢去咗醫院做精液檢查喇，嘩，咁私人嘅事都放上網唱到住世界都知呀？係呀，因為佢要話畀天下咁多位兄弟知，取精室到底係咩嚟！話明要做精液檢查，梗係首先要有精液啦。不過就算儲咗幾多彈藥都好啦，無啦啦又點會發射得出呀，點都要有少少外界刺激幫幫手嘅。曾經有一個都市傳說，就係話會有志願靚姐姐幫你手取精喎……唔知係咪真㗎呢？
咦，說好的姐姐呢？好心咁大個人就咪咁多FF啦，大個仔喇，自己入間房仔度慢慢拎出嚟啦，唔通咁都要人幫你咩？間取精室入面四四正正，有張沙發仔畀你relax心情，成人雜誌同豉油碟就必須㗎啦，另外仲有漫畫?，連鍾意二次元嘅毒L口味都照顧周到，唔錯唔錯。
睇埋其他網民喺取精室影到嘅相，估唔到選擇都幾多㗎！哥缺的不是蝌蚪而是樓，難得有個咁正嘅私人空間，歎返半日都好喎～不過唔知會唔會一打開有啲黐笠笠㗎呢？
先日、精液検査に行ってきた時の
— 藤夏ユウ (@Yuu_F14) March 17, 2017
クリニックの採取室（個室）の写真です。見納めください。 pic.twitter.com/IkM2AOL1hQ
封面圖片、資料來源連結：Yuu_F14／twitter
