【正呀喂】趁奴才行開咗 朕一於試下樽狗糧咩味先!

喵星人同汪星人呢兩種外星生物幾經辛苦嚟到地球,都只有一個目的,就係收服人類,統治地球!只不過,佢哋用嘅係唔同手段啫,喵星人就行高壓,當正自己係主子,汪星人就相反喇,首先扮到聽晒人類話先,等人類錫晒佢之後,就自然咩都會買畀佢啦!

感謝網民王特面同意轉戴

感謝網民王特面同意轉戴

雖然大家有同一個目標,不過唔好以為咁就係同路人呀,佢哋貓狗鬥一番,都不知幾激烈,尤其係又養貓又養狗嘅屋企,雙方都忙住爭寵,戰況更加緊張呀!主子,奴才都係唔記得扭返個蓋啫,你使唔使即刻就跳入個樽度呀!奴才下次唔敢喇,你快啲返出嚟啦!

感謝網民王特面同意轉戴

感謝網民王特面同意轉戴

「哼,呢樽就係狗糧喇?餵嗰隻蠢狗餵得咁爽吖嗱?等朕一於試下咩味先!咦……都唔好食嘅喵,不過朕唔鍾意嘅嘢,都冇人可以得到,而家成樽都係朕高貴嘅貓毛,當益你啦狗仔!」

圖片來源:羅少君/貓咪也瘋狂俱樂部

其實之前都試過有貓奴個老母唔小心將貓砂當咗係貓糧咁進貢畀主子㗎喇,結果咪畀主子喵到佢一面屁囉。所以話呢,方丈份貓真係……

 

 

封面圖片、資料來源連結:王特面 

 

毛記電視網站 · 版權所有 · 不得轉載 Copyright © TVMOST.COM.HK All rights reserved