【填字工作紙】睇你點寫就知你夠唔夠愛國!

最近有K3 配字功課流出,啲題目真係名副其實難到阿媽都唔認得呀!為咗培育下一代,毛孩幼稚園都推出咗以下幾題嘅配字題,睇下大家係咪一個愛國愛港嘅良好市民!我哋仲分別搵咗一名普通港毛孩同接受愛國思想教育嘅毛孩嚟做個完美示範畀大家睇𠻹!

第一題:民主 V.S. 中国

毛師點評:港毛孩配字民主,雖然喺呢個格仔入面係好合理嘅,但係嗰主字上面應該係一點,要留意呀下!愛國毛孩用充滿激情嘅紅色,仲激到爆埋出去個格外面,仲識寫個簡體嘅國字,有前(錢)途呀!

 

第二題:黑警 V.S. 黨諭

毛師點評:港毛孩Too Negative! 嗱嗱嗱,雖然你寫兩個字都好合理同埋好啱個格仔,但係撕裂社會No Good呀下!愛國毛孩能夠Think out of the 扑士,Think到出晒個格,仲喺黑暗之中都緊記黨嘅口諭,真係Goodest 嘅愛國Logic!

 

第三題: 選舉 V.S.共產

毛師點評:選舉?喺國家嘅字典入面,好似查無此詞喎。就算有選舉又點吖,港毛孩你都冇票。作為愛國嘅毛孩,個共字係唔可以亂咁加減筆劃㗎,OK?

你問咁個標準答案係咩?冇㗎,呢個世界不嬲都唔係樣樣嘢有標準答案㗎啦,只要阿爺話係標準,嗰個咪係答案囉⋯⋯好似係。

毛記電視網站 · 版權所有 · 不得轉載 Copyright © TVMOST.COM.HK All rights reserved