喺呢個有圖都未必有真相嘅年代，騙圖嘅手法真係層出不窮，你見到以為係真，其實可能係假。就好似睇3D畫咁，望落好立體，實際係咪又係平面～但係要畫一幅似樣嘅3D畫你估咁易㗎，話晒3D畫最注重就係細節，所以越大規模嘅3D畫就越膠難度，你以為平日喺3D館睇嗰啲已經夠難？睇埋呢位網友嘅作品先講啦～

呢位網友要畫晒成個天台，講緊嘅係包括埋成個地下加埋幅牆呀！嘩！咁大個天台，行勻晒都要啲時間啦，仲要慢慢髹幅畫出嚟，真係一個髹牆假期呀！仲要髹埋塊地咁大工程，得唔得呀？

咁網友都話晒都專業嚟嘅～Challenge Accepted！毛毛都唔弱㗎，睇個稿都估到你想畫咩啦，有樓有路軌，仲有條龍?，以毛毛9估，一定係想講條龍犯咗全天下男人都會犯嘅錯，出軌定嘞！你話架車好立體？喂呀，人哋嗰架車係真係車架，唔係畫嚟㗎。人哋都未畫完，你梗係未睇到3D效果啦！唉，睇嚟都係要畀埋個進度25%嘅圖你睇埋喇～

喂，睇L住呀！師兄企喺條路軌高空工作咁危險呀喂！哦～原來3D效果啫～雖然話就話25% 完成，但係大概都見到點3D法喇，原來唔係金龍出軌，係架車仔準備出軌啫～仲有嗰條威猛嘅金龍，唔係有個架遮住，真係好似準備飛出嚟咁呀！

毛毛都好期待幅圖完成嗰陣會係點呀！準備去台灣嘅朋友係咪好想知喺邊度，順便打個卡呢～但係網友話要完成咗先可以公開幅畫嘅地址喺邊度喎～唔緊要啦～咁咪睇住網友個Page，去搵其他作品影住相先嘅～3D畫雖則好多時都係用嚟做商業宣傳，但其實都係藝術嘅一種嚟嘅，如果唔係佢哋咁努力去完成一幅幅3D畫，我哋又邊有咁多地方可以影相呃like喎，所以記得要畀多啲鼓勵呢班默默付出嘅畫師呀知冇！

封面圖片及資料來源：蘇家賢（圖龍）Street 3D Art