對一個鍾意食嘢嘅人嚟講，無論乜嘢出現喺佢眼前，佢都可以即刻聯想到同食有關嘅嘢。呢種人，甚至連玩《Pokemon Go》捉火蔥鴨嗰陣，佢都可以望隻火蔥鴨望到流晒口水咁……嗱嗱嗱，呢啲咪名符其實嘅為食鬼囉！

而最近，有一位來自日本秋田縣嘅網民就如常帶屋企隻柴柴出去散步啦，可惜天氣就唔係咁好，落緊微微雪，搞到隻柴柴成身都係雪啵。佢望住呢隻身上佈滿積雪嘅柴柴，竟然不自覺地聯想起表面灑滿砂糖嘅蛋糕仔？

喂唔講由自可，一講又真係有幾分相似啵！

柴柴表示：「見唔見到我連望都費事望你呀？仲唔快啲幫我清走啲雪佢？仲喺度FF，信唔信我即刻表演柴柴嘅絕招－『趴喺地下唔願郁』畀你睇吖嗱！」

btw，講到似樣嘅嘢，淨係柴柴先有得同食物撞樣咩？早前有另一位日本網民夠發現原來八哥同蠔撞樣啦！

ふぶいてきたワン・・・
朝、薄っすらと雪が積もり吹雪いたり晴れたり目まぐるしいお天気でした
思わず、すずカステラが食べたくなしました(笑) pic.twitter.com/wTuWIXBLNs

— かんたろう (@kantaro_s0910) 2017年3月24日

資料來源：kantaro_s0910／twitter、creamymainoko／twitter

睇埋：【唔食得㗎】睇見都想咬啖嘅真毛孩