台灣不嬲有個統一發票嘅制度，有時只要你keep起張發票，分分鐘就有機會中獎㗎喇。

而最近，有位台灣網民就如常幫女朋友對發票，點知今次真係畀佢中咗獎喎！雖然呢位網民就冇透露張發票到底中咗咩獎，不過就算咩獎都好啦，總之有獎中咪開心囉～呢位網民都表示，有獎中真係超開心呀！

吖話時話，唔知張發票係來自邊度㗎呢？咁旺場，等毛毛去幫襯下都好吖嘛！

本身呢位網民仲以為呢張係油站發出嘅發票，點知睇清楚⋯⋯發你個票吖，酒店房發票嚟嘅喂？重點係，呢位網民明明記得自己對上兩個月都冇同女朋友去呢間酒店度開房㗎喎，點解女朋友又會keep住咗張來自呢間酒店嘅發票㗎呢？唔通⋯⋯

唉，仲唔通乜嘢吖？以毛毛9估，你女朋友只係咁啱路過呢間酒店，又咁啱急屎，又咁啱方圓百里都冇廁所，所以咪畀錢入去屙個屎囉⋯⋯帽事嘅！帽事嘅！

資料來源：小‎郭／爆廢公社

回帶：【帽事嘅】高飛同米妮做咩背住米奇做啲咁嘅嘢呀？！

又回帶：【帽事嘅】電話set老公個名做香港老公？