中學畢業之後，你有幾耐冇去過妙思淫參觀下、呼吸下充滿文化同學術氣息嘅空氣呀？應該都有一兩次咁大把嘅，不過唔係Pixar同吉卜力工作室搞展覽，你點會排隊入場呀？唔好成日以為博物館靜英英，淨係得啲又殘又舊嘅出土文物，或者睇完都唔明嘅一段段介紹呀先得㗎～

話明叫妙思淫，梗係乜都有㗎啦，就連啪啪啪都有得睇呀！唔止呀，仲要係集體啪啪啪，無碼任睇?，啱你口味未呀！嗱，擘大對眼睇清楚啦，三葉蟲雜交派對呀！

你冇睇錯我冇講錯呀，呢塊笨唔係一般嘅史前生物化石，而係見證住4億8700萬年前嘅三葉蟲因為集體啪啪啪而窒息死亡呢個奇情浪漫科幻神秘暴力美學故事嘅化石！

本身入到博物館，諗住都扮下認認真真正正經經咁參觀下，連唞啖氣大力少少都唔敢㗎嘛，點知竟然殺出個集體啪啪啪化石，有時真係忍唔住笑囉。唉，呢幾隻淫姣貪三葉蟲，為咗一時歡愉而喺漫長嘅歷史中畀人笑足幾億年，真係可憐。

不過諗諗下，佢哋係可憐，不過都好似唔夠單身狗可憐囉，人哋起碼有得啪住死呀，好過到死嗰日都未啪過呀……

封面圖片、資料來源連結：matome4

延伸閱讀：

【佢都係我同鄉喎】大膽保安竟然阻住朕入美術館參觀貓展覽

【冇得唔認】行行下博物館竟然發現自己嘅前前前世！