你鍾意一隻色，可以去到幾盡？有啲人鍾意一隻色可以買到成間屋都係嗰隻色嘅嘢，打開個衣櫃十件有九件都係嗰隻色，淨係嗰件係咩嚟？咪以前著落啲soc Tee囉～咁都未算最癲，有啲人連食嘢都要嗰隻色呀～你話粉紅色都好啲呀，好似呢個網友咁，鍾意隻色真係唔係人人哽得落呀！

呢位網友鍾意嘅係藍色，仲要係Royal Blue皇室藍呀！之但係咁，好哋哋邊度會有呢隻藍色嘅嘢食呢？街冇啫～自己整咪得囉！

呢位日本網友為咗食到自己Dream Color嘅嘢，不惜洗錢特登買呢隻色嘅色素返嚟，加入自己整嘅嘢食度，真係名副其實整色整水呀！

嘩⋯⋯好Blue呀⋯⋯見到呢兜嘢想唔Blue都難啦，仲話要食落肚⋯⋯網友話呢兜係青芋煮喎，你話係咪係囉，但係，法官大人我真係哽唔落喎⋯⋯即係咁，訓練係由淺入深㗎嘛，係咪一嚟咁高度數先！試下章魚燒先啦！

呃⋯⋯可唔可以當我頭先冇講過呀？其實如果呢兜嘢唔係食物，望落係冇咩嘅，都幾⋯⋯夢幻呀。或者煮熟咗變咗一粒粒之後會好啲呢～

雖然仲係有啲難以接受，但係望落成粒地球咁，都幾得意吖～似乎畀之前嗰味容易啲擺入口喎～橫掂都係，除咗地球色，仲會唔會有其他選擇呀？

嘩～好似有好多個唔同嘅星球咁，好靚呀～再加埋好似宇宙繁星咁嘅鐵板，如果去開檔賣銀河系章魚燒，再加多杯宇宙特飲，仲唔商機無限！樓主今次發達喇！話就話藍色嘅嘢食唔係人人都take到，但其實顏色控呢家嘢，咪同拍拖一樣，都係自己鍾意咪得囉，人哋點睇又有咩所謂喎～

封面圖片及資料來源：kyooochang／instagram、kyooochang／twitter

《整色整水系列》

【Coloring Your Life】好地地一粒章魚燒做咩要搞到咁呢

【地獄廚房】都係叫「白菜」啫 使唔使成煲中毒咁嘅樣？

【睇到都飽】日本動漫咖喱成兜水彩咁樣樣