早前，有網民利用企鵝羊毛氈公仔材料包，輕而易舉咁整咗條白龍出嚟。而最近，都有網民成功利用呢啲喺100円店就可以買到嘅材料包整到地獄犬羊毛氈公仔⋯⋯喂，乜羊毛氈公仔唔係好易整㗎咩？點解呢位台灣網民隻羊駝會搞成而家咁㗎？

是咁的，話說有台灣網民夜晚食飽飯冇嘢做就諗住拎之前買落嘅羊毛氈公仔材料包嚟玩下啦～

雖然呢隻咁得意嘅羊駝睇落好似好易整咁，不過呢位網民都用咗兩粒鐘先搞掂羊駝個body㗎！

嗱，家陣body就有嘞，即係話成隻羊駝羊毛氈公仔都係爭咁啲五官啫，照計距離大功告成嘅毛文應該不遠矣㗎～做咩呢位網民會埋門一腳先躂Q嘅喂？！

嗚哇⋯⋯喊出嚟！隻羊駝個樣會唔會太崩壞呀？

嗯嗯，呢位網民表示，原本都好想努力去補救嘅，可惜隻爛駝扶唔上柄，所以最後佢都係放棄咗，由佢做隻馬就算啦⋯⋯

資料來源：kuma0408／ptt