2017年03月31日 星期五
【完啦好嗎】連見到佛像都要換面係咩玩法？
旅遊景點嚟講，食好嘢、行街濕平、去主題公園點都係最受歡迎嘅，不過淨係識去呢啲，又好似冇乜深度、好走馬看花咁，唯有中間夾雜返一兩個古蹟呀寺廟呀咁，扮晒洗滌心靈啦。
不過呢，老老竇竇，去寺廟睇大佛又真係……唔係話悶嘅，個心太過平靜咁囉。好彩而家一機在手，都唔會話冇嘢玩嘅，一於開個App出嚟玩換面啦！難得嚟到寺廟，唔係仲淨係同FD子玩下話？識玩一定係同大佛玩呀！
你睇，呢個哥哥仔嘅面相即刻幾咁慈祥呀，對眼朦豬得嚟又不失莊嚴，最緊要係連粒標誌性嘅家燕墨都不費吹灰之力咁換埋落自己度，真係有種法力大增嘅感覺呀！而身後嘅大佛都由嚴肅樣成功變做和藹可親嘅笑佛咁樣樣，真係雙贏呀！之前以為同Thomas換面已經冇得輸啦，點知原來同大佛換面都一樣咁神奇，睇嚟世上已經冇嘢可以阻止人類做無頭東宮㗎喇。
鎌倉大仏なう pic.twitter.com/nRiZssFqZJ
— たねむらしょう (@t_sho98) March 25, 2017
封面圖片、資料來源連結： t_sho98／twitter
《無頭東宮系列》
