自古以來，魚配羊就一個鮮字，咁魚配牛呢？咪一個潮字囉！講緊嘅係魚網絲襪襯爛牛仔褲呀，如果早多一年講起魚網絲襪呢，可能你都會話感覺好風塵或者好老套，不過今年講就唔係喇，因為佢強勢回歸時裝舞台，一打開挨豬就見到不幾多女神著緊，簡直係潮人必備呀！

咳咳，啡唇嘅嘢，毛毛都識少少嘅。今年至潮嘅Look就係用魚網絲襪襯爛牛仔褲，Sexy得嚟又型格，喺中間拎返個barlun，即刻個個都當你時裝精啦！想大膽少少仲可以著露臍裝，突埋魚網絲襪個褲頭出嚟，真係好有遐想呀……性感唔係話露得多就係嘅，若隱若現，咁先係高招呀！

不過魚網絲襪咁易爛，加上潮流嘅嘢，都唔知興得幾耐，幾廿蚊買對襪返嚟著幾著好似唔多化算啵，不如都係裝假狗啦！喺個爛牛窿度，用Marker畫幾筆就可以搞掂食碗麵囉！

頭先個示範嘅Idea係就係唔錯，但係畫功麻麻地，一睇就知畫上去啦，呢個示範就好好多喇，起碼都跟返魚網絲襪個斜紋，裝假狗都裝得精神啲吖嘛。（Btw不如剃一剃毛先……）

想成為非主流，本身就係一個主流諗法。著得「魚＋牛」呢個mix ＆ match，都係想潮啫，不過，當一街都係咁著，你咪又變返唔普通人囉。想突圍而出，一於用生果罩當係魚網襪啦，大家都係一格格，不用分哪麼細喎，仲肯肯定冇人會同你撞款?！

封面圖片、資料來源連結：Pinterest 、追風少年劉全有／微博、粒子蔓／微博

同場加映：【潮童系列】戴晒啲生果罩喺身係咪會威啲㗎？