侵侵上任都就嚟三個月喇，相信大家就算平時冇睇開國際新聞，對佢一啲都唔會覺得陌生嘅！佢確確實實做過啲乜？講真吖，可能大家香港人，覺得美國咁遠，唔關自己事啦，所以都冇乜人會真係留意或者記得，不過侵侵嘅改圖集，大家就一定睇過唔少，分分鐘仲save咗幾張喺電話當表情包咁備用?！

可能講起侵侵，大家都會第一時間諗起佢個金毛頭同埋大眼袋，唔知大家又有冇留意佢條tie呢？雖然次次都係著黑色老西出場，不過佢條tie就真係夠曬搶眼喇，唔講你唔知呀，原來侵侵最鍾意就係襯條又長又闊嘅tie出場㗎！

一般嚟講呢，條tie長到褲頭位就為之very good㗎喇，不過侵侵又點會甘於做個平凡人呢，佢次次條tie都唔長到落丁丁唔死心，再襯埋隻搶曬fo嘅顏色，唔多唔少都反映到佢性格。

幫侵侵改圖就改得喇，今次一於改佢條tie啦！咁鍾意戴長tie吖嗱，就幫你P盡佢，P到長一長！嗱，長到落地啱你心水未呀？

餵，知你長喇，都唔好周圍擺落人哋度好冇，人哋未必鍾意你咁長㗎……

數學題：到底侵侵個人長啲，定係佢條tie長啲呢？

無論係侵侵條tie，定似侵侵個樣嘅垃圾桶都一樣逃唔過變成萬能key嘅命運，睇嚟世人已經阻止唔到PS大神幫侵侵改圖，嚟緊4年大家都係長開住個Photoshop啦……

封面圖片、資料來源連結：trumpsties／twitter

《侵侵很忙，但侵侵不說》

【躺著也中槍】侵侵垃圾桶畀網民瘋狂改圖

【新一代萬能key】侵侵連頒布行政命令都畀PS大神改圖

【不要吃侵侵】點解連食魚生都要畀我見到你！