《狂野時速》系列不嬲都係票房保證,近排上映嘅《狂野時速8》淨係第一個星期嘅全球票房已經有5.32億美元(即係大約41.5億港紙)喇!而身為主角之一嘅Dwayne Johnson難得有一日day off,唔使做電影宣傳,就梗係陪下自己個寶貝女Jasmine啦!
早前復活節,Dwayne Johnson就扮咗Jasmine最鍾意嘅卡通人物比卡超嚟陪佢喺屋企玩捉伊人,仲足足玩咗成兩個鐘咁耐?。Jasmine畀Dwayne Johnson追到邊跑邊叫,都不知幾開心幾興奮!
弱弱一問,你呢隻比卡超會唔會太大隻呀?(i mean成身肌肉嗰隻大隻呀!)
雖然Dwayne Johnson已經唔係第一次扮比卡超畀囡囡睇,喺幾個月前佢都試過扮比卡超嚟畀實派囡囡,不過嗰陣Jasmine先至啱啱學識爬,都未識得跑嚟跑去,所以Dwayne Johnson都冇諗過今次會玩得咁攰⋯⋯
老老竇竇,世間上有幾多個老竇肯著住件比卡超衫陪你跑足兩個鐘吖?就算有咁嘅心,都未必有咁嘅體力啦⋯⋯嗚哇,Jasmine真係好幸福呀!
資料來源:therock/instagram