【魔封波】電飯煲蓋閂唔到咪搵嘢黐住佢囉!

呢代人有三個「一」:一味識得追求新款、一有嘢壞咗就抌同一啲都唔識珍惜。其實有時候啲嘢壞咗咪拎去整,整下咪用返得囉!嗱,好似以下呢位日本人妻咁就啱喇!

圖片來源:chou_nosuke/twitter

話說有日本網民見屋企個電飯煲蓋神神地,冚極都冚唔到,咁就諗住買過個新啦!之不過老婆又話個電飯煲蓋只不過係開關掣壞咗,只要搵啲嘢嚟固定佢就用得喎!唉老婆點話點好啦⋯⋯然後呢位網民竟然發現老婆咁樣樣封印住個電飯煲?

嘩嘩嘩,不得了!呢招咪傳說中嘅「魔封波」!喂,聽講想當年龜仙人同鶴仙人嘅師傅武泰斗都係咁樣用「魔封波」封印住笛子大魔王㗎咋喎!

圖片來源:動畫《龍珠》截圖

而呢位日本人妻竟然識得呢招咁強大嘅絕招?你究竟係何方神聖呀你?唔通呢位人妻其實係⋯⋯年紀都唔細?(嗯嗯,識得呢招嘅年紀都應該有返咁上下啦。)

 

 

 

 

資料來源:chou_nosuke/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved