【潰已崩】阿媽煎咗條錦鯉嚟做餸係咩玩法?

「阿仔,食魚吖,食多啲魚有益呀!」

雖然對一個專業嘅老母嚟講,煮出營養均衡嘅住家飯,令家人保持均衡飲食係一件理所當然嘅事,之但係你都唔使連錦鯉都煮埋呀嘛?

圖片來源:謝東良

最近,有台灣網民喺facebook度同一眾網民些牙咗fd子老母煎錦鯉做餸一事。

話說呢位老母本身就話Lung廚會煎條鹹水魚做餸嘅,點知呢位網民個fd子一睇先發現⋯⋯呢條魚邊忽似鹹水魚呀?呢條分明係錦鯉嚟㗎喎!原來呢位老母一直都煎緊條錦鯉,而且仲要係一條未刮魚鱗(聽講錦鯉魚鱗係食得)、未清魚鰓兼未清內臟嘅錦鯉呀!

你老老實實答毛毛!到底今次係咪呢位老母有生以嚟第一次下廚!

圖片來源:謝東良

另外,除咗畀老母煎緊嗰條錦鯉之外,呢位網民個fd子仲喺屋企發現多三條冰鮮備用錦鯉𠻹⋯⋯嗯,除咗恭喜之外,毛毛都唔知講咩好。

 

毛聊IQ題

問:你阿爸係男人,你阿媽係女人,咁你係咩?

答:錦鯉係餸。

 

 

 

資料來源:謝東良

毛記電視網站 · 版權所有 · 不得轉載 Copyright © TVMOST.COM.HK All rights reserved