【超強大】將自己間房裝修到電車咁樣係點做到?

電車男呢個名,細細個就聽過啦!不過今次講嘅電車男,唔係毒L,而係堅・電車超級fan屎呀!你以為佢只係擺到一屋都係電車figure、放假就去做電車膠影電車、或者由細到大嘅夢想就係做電車車長咁呀?少年,你真係太年輕喇!

圖片來源:igaigaadjmadjml/twitter

做咩講講下電車男,又去咗睇電車嘅?呢個電車車廂都幾整齊吖,又冇喼神又冇人硬夾三個人迫埋坐二人座,如果香港嘅火車都係咁就好喇唉……

圖片來源:igaigaadjmadjml/twitter

如果你以為呢個係真嘅電車車廂咁就大錯特錯喇!其實呢度係一個超級電車fan屎間房嚟呀,係咪唔講都完全睇唔出呢!聽講呢間咁迫真嘅電車房,係用舊電車嘅部件砌出嚟㗎,唔怪得還原度咁鬼高啦!

圖片來源:igaigaadjmadjml/twitter

有咁大間房、又有心機同耐性去還原電車車廂,睇下仲有邊個敢笑佢係電車男吖嗱!正呀,而家砌咗呢個場景,咪可以同女女喺度扮……扮搭車囉喂?

 

 

 

封面圖片、資料來源連結:igaigaadjmadjml/twitter

 

毛記電視網站 · 版權所有 · 不得轉載 Copyright © TVMOST.COM.HK All rights reserved