去廁所嚟講，有人鍾意用踎廁，有人鍾意用坐廁，亦有人鍾意以踎嘅方式嚟用坐廁⋯⋯any肥，總之一句講晒，假如大家用嘅係以下呢款馬桶嘅話，咁咪可以一次過滿足晒唔同人嘅需要囉！

嘩嘩嘩！個馬桶又有廁所板又盛咁，究竟呢個係踎廁定坐廁嚟呀？

話說，最近有網民就喺澳門沙梨頭一間診所嘅廁所入面發現咗個設計超貼地嘅馬桶，仲話呢個馬桶真係世界級咁話喎！嗯，咁個馬桶座成個嵌咗入地面度，又真係幾貼地嘅⋯⋯

唔止馬桶嘅設計貼地，就連用家都一樣要夠貼地先可以用到呢個馬桶！大家睇下個馬桶裝到幾入～如果有用家諗住當佢係坐廁咁用嘅話，真係對腳短少少都分分鐘要兩隻腳伸到直一直咁用㗎！

btw，其實集踎廁坐廁於一身嘅馬桶咋嘛，野原家一早用緊啦！只不過係小新屋企個馬桶就冇呢位網民發現嗰個裝得咁入，裝咗喺地台嘅邊邊位，用嘅時候唔使兩腳一伸啫，55。

資料來源：伍柏義