【係肉球呀】埼玉縣「貓手燒」會唔會係送畀貓奴嘅最佳手信?

人形燒,大家喺東京淺草寺就見得多。咁唔知「貓手燒」大家又見過未呢?

圖片來源:shizumeka/twitter

話說,最近日本Twitter就有款以貓貓手仔(其實係腳仔)為造型嘅點心畀網民瘋傳,一眾貓奴見到呢款「貓手燒」都表示心心眼咁話喎!喂老老竇竇,咁呢款「貓手燒」將啲貓貓肉球同斑紋完美還原到咁,又難怪佢成功俘虜一眾貓奴嘅心嘅~

圖片來源:shizumeka/twitter

圖片來源:shizumeka/twitter

而聽講「貓手燒」仲有唔同口味任君選擇,好似有朱古力味呀、咖啡味呀咁,真係聽見都想試下呀!

圖片來源:shizumeka/twitter

咁到底呢款咁得貓奴歡心嘅「貓手燒」係邊度出品㗎呢?嗱嗱嗱,之唔係位於埼玉縣加須市嘅「ざりがに堂」囉!

Btw,雖然呢款「貓手燒」嘅還原度真係好高,而且網民試過都話好味𠻹,之但係一眾貓奴會唔會因為「貓手燒」整得太似嘅關係而唔忍心食佢落肚㗎?仲有呀,嚿「貓手燒」整得咁似,萬一貓貓以為係殘肢咪弊?嗯⋯⋯求貓貓心理面積陰影。

 

 

 

 

資料來源:shizumeka/twitter

延伸閱讀:

【不得了】係有肉球觸感嘅化妝棉呀!

【主子顯靈】食三文魚籽都發現貓貓肉球?

毛記電視網站 · 版權所有 · 不得轉載 Copyright © TVMOST.COM.HK All rights reserved