早前愚人節，唔少公司都會出下應節post嚟fake網民，順便當做下宣傳咁嘅。

而橫濱呢間的士公司「三和交通」都唔例外，喺今年愚人節嘅時候就宣佈推出「Robot's Taxi」呢個app，話只要用呢個app就可以call到的士機械人出現，帶你去目的地喎⋯⋯

雖然日本係機械人大國啫，但呢個的士機械人又識變形又可以載人咁會唔會太堅呀？所以大家一見到呢張相入面個的士機械人嗰陣都以為係designer畫出嚟。直至最近有日本網民喺Twitter些牙咗呢兩張相，大家先知原來現實中真係有的士機械人㗎！

大家睇下，呢個的士機械人足足有成4米咁高，落望成個變形金剛咁幾型仔！聽講呢個的士機械人仲真係用廢棄的士改裝而成，一共用咗兩個月時間先整起㗎！

想朝聖嘅話，應該去邊度呢？嗱，去位於神奈川縣横濱市嘅三和交通本社營業所就可以搵到呢個的士機械人㗎喇。

近所のタクシー会社わりと好き pic.twitter.com/e5wVq9cG6G

— よちぢま (@yotizima) 2017年4月20日

資料來源：三和交通、yotizima／twitter