次次上親網，都見到啲挨豬女神著小背心影相派軍糧，個個都好似輕輕一夾都大大條事業線，引到一大班狗公留言叫佢做娘娘，都幾葡萄㗎……大家都係女仔，點解佢就事業心咁重，自己就由中學開始到而家都搣唔甩「飛機場」、「iPad」、「長平公主」呢啲花名喎！

作為飛機場，唯有同自己講平平地著起衫上嚟先有天橋model陣high fashion嘅味道啦，再唔係咪整多幾個升球大墊囉！不過夏天就到喇，加咁多pad喺心口好易熱到出曬汗㗎嘛，如果有呢件背心幫手就好喇！

上圍豐滿嘅妹豬就有能力令到身上嘅間條衫啲直線變曲線嘅，呢件背心就係用咗同一個道理喇，一早就印定扭曲咗嘅格仔圖案喺心口，令人造成錯覺，以為心口有兩個位突出嚟咁……

睇一睇model示範先，又真係難分真與假啵！呢件背心真係貧乳福音呀，有咗佢幫手，睇下仲有邊個敢笑我飛機場？Btw，唔知會唔會出惡搞版，將扭曲格仔印喺肚腩個位呢？

嗱，毛毛唔係話大一定好，或者想叫大家用上圍份量去評價一個女性呀，只係見有啲女仔墊pad墊得咁辛苦，提供另一個方法畀佢哋參考下咋～

喺唔少人眼中，身材從來都唔係一個標準，而係一種追求，50kg嘅覺得要45kg先算輕，25吋腰就話要24吋腰先叫fit，C cup就話要升到D先叫豐滿，其實永遠都有人瘦過自己、上圍勁過自己，最緊要都係舒服同健康啫，人比人，比死人㗎。

「視覚大胸のチョッキ」は貧乳の利器を救う！服は貧乳問題に解決して解決する！絶賛！！ pic.twitter.com/5sOy3M182G

— 李李 (@kuloujilili) April 22, 2017

封面圖片、資料來源連結：kuloujilili／twitter