雖然歌仔都有得唱：「其實自己一個更開心～」，但總有啲時候係想多個人陪下嘅⋯⋯就好似打機咁，有fd子同你對打都過癮啲啦！不過mon就得一個，而player就有兩個喎，想玩2P又唔想畀對方睇到自己個畫面可以點呢？有網民就諗到用紙皮嚟解決呢個問題嘞！

嗱，1P坐櫈，2P就坐地下，然後再放塊紙皮喺中間隔住，咁對方咪睇唔到自己個畫面囉！

吖話時話，咁假如2P唔聽話，用個頭將塊紙皮頂上去，咁咪可以偷看到1P個畫面囉？而且仲可以遮住1P嘅視線?喎⋯⋯哦，咁呢層大家又唔使擔心～2P精，1P都唔笨！睇真啲，塊紙皮同個mon之間有膠紙黐住㗎！

btw，講到打機最佳甫士嘅，呢幅圖都算經典⋯⋯唉，搵女朋友已經難㗎啦，你仲要搵到個鍾意打機嘅女朋友，兼且佢仲會坐喺你大髀上面同你一齊打機?？做到呢個境界嘅人真係好L79屈機囉！

嗯嗯，不要去羨慕，不要去妒忌！假如你女朋友唔鍾意打機嘅話，咁你就唯有祈求佢帶你去一個有得打機嘅商場度行街啦下⋯⋯

頭良すぎかよ pic.twitter.com/KyxdOKyhhN

— でぃお (@dio_0630) 2017年4月26日

資料來源：dio_0630／twitter、reddit、爆廢公社

睇埋：【貼心的日本人】呢間服裝店嘅男友待領區竟然有超任玩！