長知識了！原來想整走啲碳粉可以咁樣樣做嘅⋯⋯

話說，最近有網民就喺大埔group開咗個post，佢話自己唔小心將張100蚊紙夾咗落printer，搞到張100蚊紙上面印滿晒字，唔知點算好喎！於是咪諗住集思廣益，問下大家知唔知有咩方法可以整走張100蚊紙上面啲碳粉囉！

雖然呢個post引來一輪恥笑，但都有唔少網民提供咗實用嘅建議：有網民提議去銀行換過張新銀紙、有網民提議入張100蚊紙落八達通增值機、有網民提議放張100蚊紙落碎紙機⋯⋯嗱，成張銀紙碎咗佢，咁咪冇眼sss乾淨盲囉！嗯嗯，雖然呢個講法都好似幾有道理，之不過咁樣做嘅話咪大嗱嗱冇咗成100蚊？

好彩等咗咁耐之後，事主終於等到一個堅．解決方法。有網民教路，只要用膠紙慢慢印，咁就可以將張100蚊紙上面啲碳粉印走㗎喇！大家睇下，幾快就將啲碳粉印走晒～

大埔group果然係一個神group，原來用膠紙就可以對付到碳粉，又長知識了！

資料來源：感謝 網民H小姐 同意轉載