自從喺地板貼咗個框之後 主子就成日瞓喺嗰度?

眾所9知,主子一向都醉薆紙皮箱同圓形嘅嘢。如果唔係呀,主子又點會有靚床唔瞓,係都要瞓喺個紙皮箱入面,兼且成日坐落啲煲同膠盆度啫?而最近,有日本貓奴就疑似發現多一樣主子醉薆嘅嘢喎!到底係啲咩呢?一齊睇下呢個開心大發現啦!

圖片來源:okaueai/twitter

呢位日本貓奴發現,當佢用藍色膠紙喺地板上面貼咗個方形框之後,主子竟然好似當咗個方形框係佢嘅地盤咁,仲成日瞓喺個方形框入面𠻹。咦喂,唔通主子除咗紙板箱同圓形嘅嘢之外,仲對方形嘅嘢情有獨鍾?係咁嘅話,就要即刻準備十卷八卷膠紙進貢畀主子喇!

圖片來源:okaueai/twitter

「嗱嗱嗱,唔好過界呀你,我話畀老師聽㗎喵!」

圖片來源:okaueai/twitter

btw,唔通尊貴嘅主子想同你班愚蠢嘅人類劃清界線就要話畀你哋知咩?睇唔睇到主子對眼好似好不滿咁呀?奴才仲唔嗱嗱開罐!

 

 

 

 

資料來源:okaueai/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved