【很想要吧】有咗呢個漁夫Morning Call服務就唔怕遲到啦!

由一出世開始,我哋就已經要同睡魔搏鬥,無論係校19幾個鬧鐘,定同FD子約定如果走八半堂就要請飲汽水呢啲招數都試勻晒啦,每朝都仲係想瞓多一分鐘得一分鐘,然後死死地氣咁起身嘅。你話呀,如果有人每朝打嚟叫醒自己,係幾咁sweet先?

圖片來源:FISHERMAN JAPAN/YouTube

圖片來源:FISHERMAN JAPAN/YouTube

日本而家就新推出咗一個叫「Fisherman Call」嘅免費漁夫Morning Call服務喇!係人都知漁夫天未光就已經出海打魚㗎啦,點都早過你班大帝起身嘅,所以搵佢哋做人肉鬧鐘就啱晒!

圖片來源:FISHERMAN JAPAN/YouTube

試諗下,每朝早第一下傳入耳仔嘅,都係一把沉實有力嘅磁性聲音,喺海邊溫柔咁叫你起身,喚醒你每個腦細胞……係咪諗下都很想要呢?呢個服務仲有得畀你睇相mark邊位漁夫叫你,真係好貼心呀!

圖片來源:FISHERMAN JAPAN/YouTube

有冇諗過,喺你覺覺豬緊嘅時候,辛勤嘅漁夫已經出海打緊魚喇!係咪即刻覺得人生唔應該花咁多時間攤喺度呢?仲唔起身努力做啲有意義嘅事?!

圖片來源:FISHERMAN JAPAN/YouTube

圖片來源:FISHERMAN JAPAN/YouTube

圖片來源:FISHERMAN JAPAN/YouTube

魚呢,就人人都識食,但打魚咁辛苦,就唔係個個後生仔都肯入行喇,所以漁業已經開始青黃不接,而呢個聽落咁搞笑嘅服務,其實係想畀大家多啲認識日本漁業嘅~

圖片來源:FISHERMAN JAPAN/YouTube

唔止叫你起身呀,漁夫叔叔仲影埋自己嘅收穫畀你睇𠻹!嘩,咁大大大大大條魚,真係好充實咁喎!唔該有冇嗰個叫阿樂嘅漁民呀?我想包起佢叫足一個月呀。

 

 

 

封面圖片、資料來源連結:FISHERMAN JAPAN/YouTube

同場加映: 【很想要吧】日本試辦「沉默的士」 唔驚畀司機撩傾偈

 

毛記電視網站 · 版權所有 · 不得轉載 Copyright © TVMOST.COM.HK All rights reserved