當年會考（死，唔小心曝露年齡），唔止個頭重重，連個筆袋都重過人，你以為淨係帶支藍筆就夠呀？少年，如果你考過地理就唔會咁講喇，除咗藍筆，仲要帶鉛筆，帶得呢兩樣又即係要帶埋塗改液同擦膠，仲有唔同色嘅螢光筆、長間尺、量角器乜乜乜，一陣驚支藍筆冇墨又要帶定成打做士啤，就嚟成間文具舖搬過去咁樣㗎喇。

唉，如果考公開試嗰時有呢支筆，咪可以減輕好多負擔囉！可能你心諗，咪又係三色筆，咩咁新科技啫？嗱，三色筆就冇乜特別，但三支墨水都係同一隻色嘅三色筆，你又見過未先！（不過到底咁仲算唔算係三色？）

我撻嚟又撻去，撻嚟又撻去，都仲係紅色呀！你咬我食呀？就算準備咗幾多支筆都好啦，寫到冇墨嗰刻要換筆都係浪費時間嘅一種！而家撻一撻就可以繼續喪寫，真係既方便又快捷呀，慳得一秒得一秒得吖嘛！呢支紅紅紅筆真係老師改卷神器嚟呀！Btw，希望茶記老闆唔會睇到呢個post啦，毛毛唔想食到得一隻味嘅三色蒸水蛋呀。

狂気でしょ pic.twitter.com/nmEQruYz0q

— みさきんぐ? (@mishaharide) May 14, 2017

 

 

封面圖片、資料來源連結：mishaharide／twitter