2017年05月16日 星期二
【超強保護色】著咗呢對鞋唔知會唔會成日畀人踩呢？
大自然弱肉強食，所以啲動物都總會有一兩道殺手鐧傍下身嘅～其中一招咪就係保護色囉！只要匿埋啲同自己個身差唔多色嘅地方，就冇人會發現到你，用嚟獵食同自保都一流㗎！
咁人類作為萬物之靈，就梗係唔會咁輸蝕啦！你以為淨係啲野生動物先識保護色咩？人類仲犀利呀，全身保護色又得，局部保護色又得，得咗！
嘩，對腳同地板完美融合咗呀～是咁的，話說台灣網友有日同Fd子出街，呢位朋友好鍾意「石斑」乜乜乜嘅，唔係食嗰啲呀，係石紋咁解，所以咪買咗呢對鞋囉！點知著住行出街先知撞晒色呀！
唉，唔通朋友練過隱身術，又要話過你知咩？不過會唔會好易畀人當係真地板咁踩㗎？
咁就要問下呢位之前著對鞋同扶手梯撞晒色嘅ching喇～話晒佢都應該著咗呢對鞋一排，唔知佢畀人踩到嘅頻率有幾密呢？
啱先都話過保護色有分全身同局部㗎啦，講起隱身，又點可以唔經典回顧下呢個同地板加地氈撞色撞到嘭嘭聲嘅朋友呢？瞓喺地板上面就真係「你睇我唔到⋯⋯你睇我唔到⋯⋯」。其實要隱身又使咩咁麻煩呀，好似毛毛咁將自己嘅存在感降到最低，咪個個都當你透明囉～
封面圖片及資料來源：dcard、Phant0m_Girl／twitter、beedat／imgur
隱身術大全：
【毫無違和感】我對鞋同條電梯會唔會太襯？
