【尷尬到呢】BBC主持阻止女途人亂入直播 點知變咗胸襲?

直播冇take2,好容易就出事㗎喇!仲記得有次BBC直播訪問教授,個教授坐定定喺屋企都會突然畀小朋友亂入搶fo⋯⋯唉,唔怪得今次係喺條街度做直播又會畀人亂入啦!

圖片來源:衛報

是咁的,話說最近BBC有段直播就係由主持同政治中心副主任兩個人喺街度做嘅,點知就喺副主任講講下嘢嗰陣,鏡頭前突然殺出一位著住豹紋衫嘅女途人,佢仲要企正喺中間𠻹喎!嘩,無啦啦入鏡想點呀?

圖片來源:衛報

不過身經百戰兼轉數快嘅主持又點會畀佢嚇到吖,於是主持就喺女途人舉起手指公搶鏡嗰陣使出一招乾坤大挪移,諗住一掌推佢出鏡,點知⋯⋯

圖片來源:衛報

咦,點解會變咗龍爪手嘅喂?今次大鑊喇,班hihi實cap晒圖恥笑呢位主持啦!molamola,主持以後會唔會畀人當咗係咸豬手㗎?

圖片來源:衛報

最後女途人大力拍咗主持一下,然後就若無其事咁喺走咗嚕⋯⋯

btw,其實事後主持都有解釋返,佢只係想推開嗰位小姐,繼續出Live,真係冇心㗎。你放心啦,我哋實信你㗎喎!不過講開又講,BBC最近好似做親Live都出事,使唔使搵定零擰師傅睇個風水,擇個靚日子靚時辰先做吖?

 

 


封面圖片及資料來源:衛報

毛記電視網站 · 版權所有 · 不得轉載 Copyright © TVMOST.COM.HK All rights reserved