【有冇咁筍呀】去旅行幫屋主照顧寵物就換到免費住宿咁爽?

廢青冇錢又想去旅行,可以點做?一個字,慳得就慳!見到有平機票就準時12點去搶,然後再上網搵下有冇平嘅Hostel或者民宿住囉。唉,有得揀,邊個唔想唔使錢住大屋吖?

圖片來源:omgfacts

圖片來源:omgfacts

機會嚟喇,飛雲!如果你只要同屋主做個簡單嘅交易,就可以免費住呢啲咁靚嘅豪宅,你又點睇呢?你諗咗去邊呀?冇人要你賣身囉,係要你嘅愛心咋。

外國一個叫Trusted Assitters,運作方式有啲似欸吖BnB,係畀啲打算去旅行嘅屋主搵租客住自己間屋嘅。唔同嘅係,租客一個仙都唔使出,只要租客要好好照顧嗰間屋嘅真正話事人就得喇!

圖片來源:omgfacts

背後Big Boss?就係呢班毛孩大帝喇!好多人去旅行,最頭痕就係搵邊個照顧佢哋啲心肝寶貝,始終自己啲fd子親戚都冇義務咁做㗎嘛⋯⋯

圖片來源:omgfacts

寄宿者就唔同呢,話晒有權利就有咁嘅義務啵~幫你慳咗咁多住宿費,淨係叫你幫下手照顧寵物,你唔係咁都托手踭下化?如果你本身就鍾意小動物嘅話,呢個簡直係至筍嘅交易𠻹!

圖片來源:omgfacts

圖片來源:omgfacts

不過咁,話就話免費,但其實要登記做會員先可以用呢個服務㗎,而做會員係要畀錢㗎,一年會籍要港幣千零蚊左右啦~去一次旅行嘅住宿費都唔止啦,計落條數都抵嘅。唯一要煩嘅問題係,啲毛孩咁打耳,我哋啲奴才會唔會成個旅程淨係掛住陪佢哋玩,唔記得晒啲行程㗎?

 

封面圖片及資料來源:omgfactsTrusted Housesitters

毛記電視網站 · 版權所有 · 不得轉載 Copyright © TVMOST.COM.HK All rights reserved