打工仔一年得嗰十幾日假，都已經牙痛咁聲，但係有冇諗過，做媽咪嘅年中無休，先係世上最辛苦呀！由叫阿B起身、餵佢食飯飯、幫佢洗白白，全部都好似打仗咁款，唔好以為阿B瞓著咗，媽咪就有得休息下呀，仲要間中就望下佢有冇踢被、有冇畀蚊咬……邊度有覺好瞓先得㗎！

仲有一樣唔講你唔知要留意嘅，就係check下阿B有冇喺唔知邊度執咗啲珠仔之類嘅異物擺落鼻窿或者耳仔窿喇！遲咗發現嘅話，後果真係不堪設想㗎！小朋友對自己身體充滿好奇，摸到面上有個窿仔，就自然會想搵手指撩下、擺啲嘢入去，如果唔係呢間日本診所點會儲到咁多小朋友擺過入鼻窿耳窿嘅異物啵！

嘩，真係多到成個首飾箱咁樣樣呀！用樽仔裝起晒啲喺阿B鼻窿耳窿發現嘅珠仔呀、雜物呀、唔知乜東東呀，可以當擺設之餘，又可以提醒大家要小心看實阿B，第日小朋友大個喇，又可以當係成長紀錄咁畀佢睇返，等佢知媽咪幾勞心勞力照顧佢，儲起嘅，都係一份心意嚟吖！

耳鼻科。子供達が鼻に入れた様々な物が美しく飾られている。 pic.twitter.com/EnUNJEarfB

— 蘭子 (@xxxLoveDX) May 18, 2017

封面圖片、資料來源連結：xxxLoveDX／twitter