噚日先發現，原來話咁快Twins就已經出道咗16年喇！兩個好姊妹可以咁耐都咁好感情，係難得嘅～不過呢對親生孖妹就仲犀利，佢哋啱啱先一齊過咗一百大壽咋！咁咪即係對咗對方成個世紀？咁就要影返輯相賀一賀佢喇～

難得出去影相，就梗係要揸返架靚車頭搖又尾擺啦！你睇下婆婆笑得幾開心～

果然係孖妹呀下～兩個都咁鬼馬，一齊嘟起個咀仔扮瘦先！

邊個話老人家就唔可以賣萌㗎？你睇下兩位婆婆將牙痛托腮呢個甫士發揮得淋漓盡致呀！

「塊面瘦啲，再瘦啲！你唔好郁啦，我影唔到呀！」

「哎吔，我個甫士不知擺得幾靚呀，係咪你手震呀～」

其實呢輯影到婆婆咁可愛嘅相，係呢一個靚女攝影師操刀㗎。佢話老人家一百歲生日已經好難得，仲要係孖妹嚟?，所以點都要送返份禮物畀佢哋喎。

靚女攝影師仲親自幫佢哋化妝?，果然美貌與愛心並重，難怪婆婆都要啜啖佢啦！

網友都話喺啲相入面唔止見到兩個婆婆好可愛好有活力咁簡單，而係愛呀哈利～從佢兩姊妹嘅眼神動作，就可以感受到佢哋幾珍惜對方，睇到佢哋啲相，簡直係由個心度暖出嚟呀。

婆婆，一百歲生日快樂呀！毛毛都祝你哋身體健康先，希望你哋兩姊妹每日都可以好似相入面咁笑得咁開心啦！

封面圖片及資料來源：Fotografia Camila Lima