話說，最近有台妹用男朋友部電腦up片嘅時候就唔小心撳咗入佢個google雲端硬碟度，然後呢位台妹發現，男朋友竟然收埋咗一個名為「挑食的寶貝」嘅file？

呢位台妹猶豫咗好耐，到底撳唔撳入去睇好呢？結果到最後佢都係敵不過佢嘅好奇心，忍唔住撳咗入去睇⋯⋯佢話喎，撳入去嗰下個心真係跳得超快呀！到底咩係寶貝？邊L個寶貝呢？即刻開嚟見我！

嗚哇，原來呢個叫做「挑食的寶貝」嘅file入面記低咗呢位台妹鍾意食啲咩同唔鍾意食啲咩㗎！呢位台妹嘅男朋友竟然細心到將女朋友嘅口味喜惡記低⋯⋯弱弱一問，呢對情侶係咪啱啱拍拖冇幾耐㗎咋（老夫老妻mode又邊有呢支歌仔唱吖）？而另外，台妹知道真相之後都表示sweet到漏，佢仲話以後都唔會咁揀飲擇食，會乖乖地?！

話時話，呢位台妹都幾識食喎，咁多種朱古力唔食，係鍾意食Godiva朱古力嘅？又話時話，點解呢位台妹鍾意食同唔鍾意食嘅嘢入面都有牛奶嘅喂？

btw，講到做壞規矩嘅嘢，之前有另一位台妹夠發現男朋友偷偷地收埋咗本自製嘅「男友手冊」啦！老老77，又會咁啱畀女朋友搵到呢啲嘢嘅？應該唔會係特登畀女朋友搵到㗎可？

資料來源：dcard

睇埋：【做壞規矩系列】原來男友偷偷地收埋咗本咁嘅筆記…