作為一隻稱職嘅大頭蝦，應該都試過wrong group、搭車搭過龍、唔記得帶鎖匙等等嘅7事㗎啦？而講到十件大頭蝦一定瀨過嘅嘢，又點可以唔提著咗鴛鴦鞋出街呢單呢！話說，最近有隻日本大頭蝦就係唔小心著咗對鴛鴦波鞋出街，而且仲要等到上咗車坐低嗰下先發現呀⋯⋯

喂老友，雖然兩隻鞋個款係差唔多啫，但一隻黑一隻白，隻顏色都幾大分別下㗎喎，你咁都可以搞錯得嘅？睇嚟呢隻大頭蝦一定係參加咗極速出門大賽頂嘞，55。

而呢隻大頭蝦將自己單嘢post咗上twitter之後，即刻就有另一位網民留言話自己今日都唔小心著咗對鴛鴦皮鞋出街喇！嘩，呢啲咪緣份囉⋯⋯雖然大家都一樣著咗鴛鴦鞋，之不過人哋就冇7得咁明顯嘞。

其實呀，唔小心著咗鴛鴦鞋出門口又點啫！計毛毛話dry，著咗鴛鴦鞋咋嘛，唔使搵窿捐嘅，搵個可以畀你將對鴛鴦鞋隱於無形嘅地方咪得囉⋯⋯如果你可以搵到的話。

[悲報]?
間違えて靴違うの履いてきてた???????????????????消えたい????? pic.twitter.com/ZzCkYSWMVI

— 金子栞 (@shiori613k) 2017年5月20日

資料來源：shiori613k／twitter、_Rena_Shibuya／twitter、Phant0m_Girl／twitter

睇埋：【毫無違和感】我對鞋同條電梯會唔會太襯？