一百蚊三隻， 冇花冇假冇格仔，唔買都埋黎睇睇……呢啲金句，係咪好耐冇聽講，但講起又好有親切感呢？那些年仲未有得上網參考愛情動作教材嘅時候，咪臭係靠去好景買嘅碟學嘢㗎囉，不過而家上個網乜都有得你睇啦，唔使買新之餘，舊嘅都可以沙唷啦嗱㗎喇（如果你捨得）！

咁多隻豉油碟，隻隻搣開都有血有汗有蛋白質㗎！當日怕怕醜醜咁捱過世人嘅目光、收銀哥哥嘅冷笑，先買到隻碟返屋企，隻碟陪過我咁多個空虛寂寞凍嘅晚上，點可以就咁送去堆填區呀！原來日本就有唔少環保嘅農夫將啲豉油碟擺喺田邊，用嚟趕走烏鴉喇！

嘩，五十路美熟女？乜咁重口味呀……睇嚟人哋話冇後生仔願意投身農業呢個講法，係真㗎啵。

嘩_你個_！私煙bb嚟嘅喂！估唔到佢會紅到去日本呀下！雖然毛毛未種過菜，不過都知道用光碟趕烏鴉嘅原理係用光碟嘅強烈反光嚇走佢哋，而唔係用隻碟上面張圖喎大佬……

又五十路又獸女女女，睇嚟日本嘅農夫叔叔平時都幾抑壓下……Btw，唔知用呢啲豉油碟種出嚟嘅菜，係咪有種天然鹹味㗎呢？

畑の横の水路にCDが落ちているのを発見。
「害鳥避けに使ったろ！」と拾い上げるも水路に再び戻す事にした。
捨てたん誰やぁ……。 pic.twitter.com/VYn5XY2t2T

— よっ。パパ (@rookie_jet) May 23, 2017

封面圖片、資料來源連結： rookie_jet／twitter