如果閣下平時見到小強都會暴走加尖叫嘅話，咁喺閱讀以下內容之前，你最好都係⋯⋯開定聲、清清喉嚨先嘞。

（鄭嘉穎叫.jpg）呀！呢隻乜L嘢嚟㗎！！！

話說，最近有台灣網民喺屋企發現咗隻外型極嘔心嘅不知名物體，於是就出post問下一眾網民到底呢隻係乜東東，諗住集思廣益，睇下應該要點樣對付呢隻疑似蜈蚣同蝦嘅混合體啦！點知有網民竟然話呢隻嘢係益蟲嚟？

有網民表示，其實呢隻嘢個名叫做「蚰蜒」，係節肢動物嚟嘅。由於蚰蜒主要以小強、蜘蛛、白蟻等等嘅家居害蟲為食糧，加上佢嘅毒性弱，人類畀佢咬到所造成嘅傷害仲低過畀蜜蜂咬到，所以咪會有人覺得佢係「益蟲」嚟囉。

不過因為佢個樣實在係太樣衰，同埋移動速度又快到嚇死人嘅關係，所以唔少人都表示寧願對住小強都唔對住佢呀！

er⋯⋯或者咁會唔會好啲？

資料來源：Po-Wei Chang／●【爆料公社】●、wikipedia