個幾星期前，網上瘋傳一張疑似由淘寶店設計嘅iPhone枱。雖然呢張枱只係將iPhone嘅設計放大，但一眾網民見到呢張枱都大讚「真心靚」同「好有創意」，更有唔少網民話好想買返張?！

最近，有位姓黃嘅台灣網民就喺網上買咗呢張iPhone枱嚟送畀阿女，點知到收貨嘅時候，黃先生就發現張枱根本冇忽似iPhone，呢張分明係一張普通到不能再普通嘅原木色枱嚟咋嘛！

唉，個樣完全唔同都算啦，呢張原木色枱仲要連櫃桶都冇⋯⋯

喂咪住先，聽講呢張iPhone枱喺唔同網店買個價錢都唔同㗎啵，你會唔會係貪平買咗次貨呀？呢位黃先生就話，其實佢都用咗成台幣3200蚊嚟買呢張枱㗎⋯⋯嘩，咁咪即係大約港紙八嚿水？會唔會係賣家寄錯，或者寄漏組裝配件咋？希望黃先生同賣家聯絡之後件事可以圓滿解決啦。

資料來源：淘寶、黃敬貴／●【爆廢公社】●

回帶：【豈止於大】淘寶連iPhone咁樣樣嘅枱都有得賣？