如果你係一個剷屎官，雖然都唔會求咩回報，只係想心肝寶貝開開心心健健康康就夠，不過相信有時都會FF下，如果屋企隻貓貓或者狗狗識得調返轉頭照顧下自己，或者餵下自己食嘢會點嘅～

荷蘭攝影師Geert Weggen 4年前就開始野生影松鼠仔㗎喇，大家慢慢建立信任同感情，friend過打band㗎～你睇，連用口餵松鼠仔食花生，松鼠仔都唔會驚驚㗎！

幫松鼠仔影咗咁多年寫真，今年就調返轉，由松鼠仔做攝影師喇！

「校一校個光圈先……吱吱～」

「喂你食玻璃大㗎？企正喺中間我點影呀，企開少少啦！」

其實呢輯相入面，有成4隻松鼠仔㗎（雖然都分唔出），仲有部份相係兩張key埋一齊嘅（雖然都睇唔出）～睇咗咁耐，毛毛最想都係睇下松鼠仔嘅攝影作品啫，唔知佢哋有冇真係撳掣呢？

封面圖片、資料來源連結：bored panda、geert weggen