長路漫漫是如何走過？咪就係屋企人陪你走過㗎囉！

話說，最近美國有位網民（Brittany Gayler）就喺twitter upload咗兩張相，話自己第一日同最後一日返學嘅時候都有老竇（Jason）陪住行返學喎～嗱，呢兩張相就正正記載住佢哋兩父女一齊行路返學校嘅溫馨毛文嘞！

大家睇下，第一張相係Brittany第一日返幼稚園嘅時候影，而第二張相就係Brittany最後一日返高中嘅時候影嘅。雖然Jason呢十三年嚟未必每日都有時間送Brittany返學，不過毛毛望住Jason喺呢兩張相入面展示嘅笑容已經感受到佢對Brittany係幾咁有愛喇！Brittany，你真係好幸福呀⋯⋯弱弱一問，Jason平時用開邊隻牌子嘅護膚品㗎？點解個樣隔咗十幾年都仲keep得咁好嘅？

btw，講到父愛滿滿嘅，其實早前另一位老竇都唔弱。

話說佢囡囡返幼稚園嗰陣就唔小心瀨咗殊殊，所以好唔開心咁嘈住話要返屋企啦，點知呢位老竇收到學校電話之後竟然整濕完自己個褲襠先去接囡囡，等阿女知道瀨尿係好小事，唔使咁自卑喎！嘩，真係父愛嚟呀哈利！

資料來源：BrittanyGayler／twitter、LucindaSowards／twitter

睇埋：【係父愛呀】妹妹上堂瀨尿瘀爆 老竇接放學特登整濕條褲陪佢