【幻覺嚟啫】呢兜殻麥乳酪望落蛋白質好豐富喎!

朝朝早都早餐A、B、C,唔係五香肉丁就雪菜肉絲,真係好唔Healthy囉!間中不如食返啲light啲嘅早餐,例如啲咩Siri奧,即係榖類早餐咁吖!倒啲奶或者Yogurt就食得,真係既方便又快捷呀!

而家啲榖類早餐仲要咁多花款,又星星又格仔咁,仲有朱古力味同其他味嘅選擇,真係好難揀呀!

圖片來源:陳韋安

揀邊款好呢~就你啦!聽講呢款係台灣便利店嘅新產品嚟㗎喎,咁網友咪諗住睇下點輕盈得嚟又飽足囉!仲話有纖果脆片𠻹,應該都幾營養豐富嘅~

圖片來源:陳韋安

圖片來源:電影《摩登如來神掌》截圖

媽呀!使唔使營養豐富到咁呀?仲要條條都咁肥美,說好啲榖類早餐呢!唔通畀啲蟲蟲食晒?定係有人想練天蠶神功,所以喺碗嘢度加料呀?

圖片來源:陳韋安

睇清楚啲,原來呢一堆笨唔係蟲嚟㗎!真相只有一個!原來呢啲只係爆開咗嘅黑糯米啫~想嚇死人咩?食個早餐都畀你嚇到心都離一離呀!

圖片來源:chiao221/Instagram

其實呢個牌子嘅乳酪榖物早餐仲有出其他味㗎,另一款望落明明都好正常㗎,點解藍色包裝嗰隻搞成咁㗎呢?不過據說個味道係唔錯嘅,好似係。所以你哋去開台灣嘅話,不妨買返杯畀啲朋友做手信,仲要倒埋落第二隻碗度,睇佢敢唔敢食吖?

 

封面圖片及資料來源:陳韋安、chiao221/Instagram、電影《摩登如來神掌》截圖

毛記電視網站 · 版權所有 · 不得轉載 Copyright © TVMOST.COM.HK All rights reserved