如果真係有得揀，可能好多人都想做返個無憂無慮嘅小朋友，得閒就落公園瀡下滑梯、玩下伏匿匿，都不知幾happy呀。不過做小朋友都一樣有煩惱嘅，咪就係冇錢囉。

呢位三歲小妹妹係咪好打耳呢！唔好睇小佢呀，年紀小小已經目標明確，想第日大個做警察！不過「第日」咪即係有排？不如都係買套假制服嚟玩下先啦～於是佢媽咪就帶佢喺花園仔度賣檸檬水，試下自己賺錢買想買嘅嘢喇！佢哋晨七咁早開始賣，生意都唔錯㗎，賣到十一點已經夠錢買套假制服喇！

到咗下午，開始有人將呢個忠實警察迷嘅故仔放上Facebook，睇下大家有冇朋友係警察，可以去幫襯下佢，支持下佢呀！

妹妹努力咗成個上晝，估唔到真係有警察叔叔姨姨走嚟幫襯佢買檸檬水呀！呢個小小警察迷終於可以同堅警察見面，內心一定好滾動喇！佢哋唔只影合照呀，警察叔叔姨姨仲畀佢坐上警車體驗下?！佢嗰晚一定會開心到瞓唔著呀！

細個嘅時候，冇錢，不過有夢想。大個咗出咗嚟做嘢，依然冇錢，同時，都冇咗夢想。

封面圖片、資料來源連結：Sierra Moore、Ashly Marie Rooks

《警察有愛系列（外國限定）》

【人一世物一世】荷蘭警察為咗完成99歲婆婆心願 特別安排拘捕體驗

【係愛呀】鹿仔唔小心跌落坑渠 美國警察即刻爬落去救佢

【堅﹒慈母】美國警察開晒遮 保護喺警車上面築巢嘅白鴿

【Happy birthday to me⋯】小朋友搞生日Party冇人嚟 警察叔叔買禮物撐場