【父親節變愚人節】假優惠都有人信 阿叔走去M記認係老竇換餐?

噚日好似係父親節呀可?嗯,唔講毛毛仲以為係愚人節𠻹⋯⋯

圖片來源:名校 Secrets

話說,呢幾日網上瘋傳一張假嘅M記父親節優惠,內容話任何年滿21嘅男士,只要喺6月18日父親節當日去到任何一間M記分店同職員講「我係你老竇」,就可以免費換到特別餐一份喎。嘩嘩嘩,唔係咁流都有人信呀嘛?冇錯,就係有人信,而且仲要唔止一個𠻹!

圖片來源:名校 Secrets

噚晚,有位喺M記做兼職嘅網民就表示自己返工嘅時候遇到幾位阿叔一邊Show呢張假優惠,一邊同佢講「我係你老竇」。

圖片來源:電影《整蠱專家》截圖

雖然遇到千年難得一見嘅真心膠,呢位網民難免想瘋狂恥笑,不過作一個專業嘅M記職員嚟講,返工係嚟笑㗎咩?返工係嚟做嘢㗎嘛!所以呢位網民都好認真咁同呢幾位阿叔解釋返,話張圖係假嘅,佢哋畀人整蠱呀。

 

 

 

 

資料來源:名校 Secrets

毛記電視網站 · 版權所有 · 不得轉載 Copyright © TVMOST.COM.HK All rights reserved