【係Sweet嘅】老竇用力扯衫角幫囝囝擋雨

開口埋口都話「世上只有媽媽好」,咁爸爸呢?喂,其實爸爸都好偉大㗎啵!

早前,四川成都就突然落咗場雨,唔少冇帶遮嘅市民都畀場雨搞到一秒變落湯雞呀。而喺呢堆落湯雞之中,有人就發現咗一個好有愛嘅畫面⋯⋯大家睇下,呢位爸爸因為擔心囝囝會畀雨淋病,於是就扯行自己件衫,用衫角嚟幫囝囝擋雨呀!

圖片來源:成都頭條/微博

老老竇竇,雖然呢位爸爸咁做未必真係幫到小朋友擋雨,但呢個小小嘅動作已經令唔少網民覺得好滾動喇!有網民仲話呢張相令佢諗起爸爸送自己返學嘅美好回憶𠻹!

圖片來源:Imgur

天下爸爸一樣sweet~之前網上瘋傳呢張爸爸濕身擔遮圖咪一樣咁有愛~

圖片來源:叫我阿阿阿阿婷/微博

btw,不過講到最幸福嘅都莫過於呢位小朋友⋯⋯嗱你哋話嘞,小朋友下下活喺溫室裡面有咩好呢?梗係要好似呢位小朋友咁,跳出comfort zone,咁先會成長㗎嘛(好似係)!

 

 

 

資料來源:成都頭條/微博、Imgur、叫我阿阿阿阿婷/微博

睇埋:【濕L晒喇】婆婆 你咁樣樣擔遮有冇諗過我感受?

毛記電視網站 · 版權所有 · 不得轉載 Copyright © TVMOST.COM.HK All rights reserved