真係唔好怪人哋叫香港做投訴之都⋯⋯繼有餐廳炒咗碟辣嘅貴刁都畀人投訴之後，最近又有網民發現另一宗世界級投訴！

話說，事主早前就去咗荷里活廣場小個便，咁喺廁所做緊嘢嘅清潔阿叔見到事主就同佢講聲早晨，兼且事主離開廁所嘅時候，清潔阿叔又同佢講聲再見咁啦。點知呢兩句咁有禮貌嘅說話就成為咗事主要投訴嘅原因喇！佢竟然話呢位清潔阿叔太造作，話冇人會期望去廁所嘅時候有人會同佢打招呼喎⋯⋯

下，禮貌地打聲招呼都唔啱？香港人會唔會太難服侍呀？

雖然唔少網民都批評呢位事主onL99難服侍，仲有網民留言問候佢媽媽?，但以毛毛9估，其實呢位事主都係想透過呢個腐皮話畀管理層知，清潔工人做嘢已經好辛苦，唔一定要逼佢哋同人打招呼啫（應該係，除非唔係）。

btw，弱弱一提，事主你好似去咗個非官方page留腐皮啵⋯⋯

資料來源：Plaza Hollywood、荷里活廣場